आंशुसँगै बग्ने छैनन् मेरा मनका सपनाहरु
मेहनतले आकार दिन्छु साकार हुन्छन् आफैं बरु ।
खसाल्थे ढिक्का आँखाले सानै पिडा किन नहोस्
हुन्थ्यो टिलपिल परेली अरुले नैं दुःख पाओस् ।
दुःखको साथी ठानेर सकुन्जेल रुन्थें म त
मनको तनाव सारा पखालिन्छन् भन्थें पो त ।
आँखा सुख्खा भएपछि यसको मुल्य थाहा भो
छँदैछ बगोस् न ठान्थें रोग थपिंदा डाहा भो ।
अगाडि बढ्न दिंदैन पाइला छेक्छ आंशुले
गुम्न दिन्न म सवथोक बाटो नैं थुन्छु आफैंले ।
विनोद शर्मा ‘सानुभाइ’ २०६९/०८/२७
No comments:
Post a Comment