गीत ........ (माटोको सुगन्ध प्यारो)

माटोको सुगन्ध प्यारो, प्यारो छ फूलको सुवास
न्यानो छ घामको किरण, शितल छ जुनको प्रकाश ।

सातै रङ्गले जिन्दगीलाई रङ्गाउन पाए हुन्थ्यो
जुन तारा सवका प्यारा समिपमा आए हुन्थ्यो ।
ढिडोको गाँस मिठो, प्यारो छ पवनको साथ
म हुँ धर्तीको धुलो, भए पुग्छ खुल्ला आकाश ।

पसिना बगाउँछु बरु त्योसँगै बगाउन दुःख
छ जुनी विताउँछु म एक जुनी मिलोस् सुख ।
थोपा थोपा बटुलेर जोड्नुछ आफ्नै संसार
कांधमा कांध जोडेर सपना पार्नुछ साकार ।

विनोद शर्मा 'सानुभाइ'
२०६९/०८/१९