मागेर अरुको माया झोला भर्नु छैन मलाई
पराईको सहारामा जँघार तर्नु छैन मलाई ।
आफ्नो परिचय आफैं बनाउने कोसिसमा छु
स्यामस्वेत देखिन्छु बरु रङ्ग भर्नु छैन मलाई ।
फाटेपछि ढाँटेपछि लुकाउन सकिन्न काँहि
पैतालाले कल्चिएको झार झैं मर्नु छैन मलाई ।
आफु सक्षम भएपछि किन मान्नु पिर चिन्ता
काम खोज्दै मधेशतिर बसाई सर्नु छैन मलाई ।
एउटै लक्ष्य एउटै बाटो सँगै यात्रा शुरु गरौं
पक्का भेटिन्छ त्यो, संसार चाहार्नु छैन मलाई ।
सानुभाई, २०६९/३/३०
No comments:
Post a Comment