मेरो जाँगर मरेको हो, म मरेको छैन
उपियाँ झैं हिँडे अरु, म सरेको छैन ।
आकासमा देखिएको त्यो कालो बादल
हावाले पर पुर्यायो, संकट टरेको छैन ।
खोलामा बाढि आएको देखेको छु मैले
सतह नापेको मात्रै, पारी तरेको छैन ।
ओसिलो ठाउँ छ यता त्यसमाथि वर्षा
टोक्दैछ लुकेर जुको, अझै झरेको छैन ।
पक्कै डस्छ एकदिन शँका छ मलाई
विष ओकल्दै हिडोस्, केहि गरेको छैन ।
मेरो बाटो हेरेर बस्ने छैनौ धेरैदिन
दशैं अगाडि आउँछु, मिति सारेको छैन ।
सानुभाई २०६९/४/६
No comments:
Post a Comment