पश्चिमाञ्चलमा एसएलसीको परिणाम, कमजोरी सच्याउनु पर्ने माग ।

पोखरा जेष्ठ ३२, विनोद शर्मा

पश्चिमाञ्चल विकास क्षेत्रमा यस वर्ष ५३ दशमलव १४ प्रतिशत विद्यार्थी उत्तिर्ण भएका छन् । यो प्रतिशत अघिल्लो वर्षको तुलनामा ३ दशमलव ५६ प्रतिशतले कम हो भने राष्ट्रिय उत्तिर्ण प्रतिशतभन्दा ५ दशमलव ०८ प्रतिशतले बढि हो । अघिल्लो वर्ष पश्चिमाञ्चलबाट ५७ दशमलव ७ प्रतिशत विद्यार्थी उत्तिर्ण भएका थिए । यस वर्ष देशभरीका ४७ दशमलव १३ प्रतिशत विद्यार्थी उत्तिर्ण भएका छन् । पश्चिमाञ्चलका विभिन्न जिल्लामा उत्तिर्ण प्रतिशतको दर तलमाथी भएको छ । 

कास्कीबाट यस वर्ष नियमिततर्फ ७१ दशमलव १ प्रतिशत विद्यार्थी उत्तिर्ण भएका छन् । एसएलसी परिक्षामा उत्तिर्ण हुने जिल्लामध्ये क वर्गमा पर्ने कास्कीमा गत वर्ष पनि ७० दशमलव २ प्रतिशत विद्यार्थी उत्तिर्ण भएका थिए । जिल्ला शिक्षा कार्यालय कास्कीका अनुसार यस वर्ष जिल्लाबाट ६ हजार ९ सय २६ जना विद्यार्थी उत्तिर्ण भएका छन् । विशिष्ट श्रेणीमा आठ सय एकानब्बे जना उत्तिर्ण भएका छन् भने ३ हजार ५ सय ९२ जना प्रथम श्रेणीमा उत्तिर्ण भएका परिक्षा शाखा ईन्चार्ज खेम पौडेलले जानकारी दिनुभयो । त्यस्तै द्धितिय श्रेणीमा २ हजार २ सय ८६ जना र १ सय ५७ जना तृतिय श्रेणीमा उत्तिर्ण भएका छन् । जिल्ला शिक्षा कार्यालयका अनुसार यस वर्ष नियमिततर्फ ९ हजार ७ सय ४३ जना सहभागि थिए । 

त्यस्तै कास्कीबाट एक्जाम्टेडतर्फका २५ दशमलव ३ प्रतिशत अर्थात १ सय ९० जना उत्तिर्ण भएका छन् । २ जना प्रथम श्रेणीमा, १ सय ३६ जना द्धित्तिय श्रेणीमा र ५२ जना तृतिय श्रेणीमा उत्तिर्ण भएको परीक्षा शाखाका ईन्चार्ज खेम पौडेलले जानकारी दिनुभयो । यस वर्ष ७ सय ८३ जना एक्जामटेडतर्फ परीक्षामा सहभागि थिए । 

हिमालपारीको जिल्ला मनाङबाट यस वर्ष नियमिततर्फ ९१ दशमलव २५ प्रतिशत विद्यार्थी उत्तिर्ण भएका छन् । अघिल्लो वर्ष मनाङबाट ५८ प्रतिशत विद्यार्थी उत्तिर्ण भएका थिए । कुल ८० जना विद्यार्थी मध्ये २७ जना प्रथम श्रेणीमा द्धितिय श्रेणीमा ४१ जना र ५ जना तृतिय श्रेणीमा उत्तिर्ण भएका छन् ।

 त्यस्तै गोरखाबाट ३ हजार ९ सय ७१ जना विद्यार्थी मध्ये ६१ दशमलव ७८ प्रतिशत विद्यार्थी उत्तिर्ण भएका छन् । विशिष्ट श्रेणीमा ५३ जना उत्तिर्ण भएका छन् भने ७ सय ३४ जना प्रथम श्रेणी, २ हजार ५५ जना द्धित्तिय र १ सय ५१ जना तृतिय श्रेणीमा उत्तिर्ण भएका छन् । ५ हजार ८ सय ६ जना विद्यार्थी सहभागि तनहुँबाट ४७ दशमलव ८ प्रतिशत विद्यार्थी उत्तिर्ण भएका छन् । जसमध्ये ५४ जना विशिष्ट, ९ सय ९६ जना प्रथम, १ हजार ६ सय २ जना द्धित्तिय र १ सय २६ जना तृतिय श्रेणीमा उत्तिर्ण भएका छन् । त्यस्तै लमजुङका ३ हजार ९९ जना मध्ये ४४ प्रतिशत विद्यार्थी उत्तिर्ण भएका छन् । २७ जना विशिष्ट ४ सय ४३ जना प्रथम ८ सय ५४ जना द्धित्तिय र ४३ जना तृतिय श्रेणीमा उत्तिर्ण क्षेत्रीय शिक्षा निर्देशनालय पोखराले जनाएको छ । 

स्याङजाबाट ६ हजार ७ सय ६८ मध्ये ५७ दशमलव २२ प्रतिशत विद्यार्थी उत्तिर्ण भएका क्षेत्रीय शिक्षा निर्देशनालय पोखराका परीक्षा शाखाका अधिकृत योगेन्द्र पराजुलीले जानकारी दिनुभयो । जसमा ५४ जना विशिष्ट, १ हजार २ सय ६९ जना प्रथम, २ हजार ३ सय २३ जना द्धित्तिय र १ सय ८३ जना तृतिय श्रेणीमा उत्तिर्ण भएका छन् । त्यस्तै मुस्ताङबाट ६ जना विशिष्ट, ६३ जना प्रथम, ४६ जना द्धित्तिय र १ जना तृतिय गरि ८७ दशमलव ८७ प्रतिशत उत्तिर्ण भएका छन् । यस वर्ष मुस्ताङबाट १ सय ३२ जना विद्यार्थी सहभागि थिए । 

म्याग्दिबाट भने ६३ दशमलव ४४ प्रतिशत विद्यार्थी उत्तिर्ण भएका छन् । यो अघिल्लो वर्षको तुलनामा १६ दशमलव ०४ प्रतिशतले कम हो । जसमा ५१ जना विशिष्ट, ३ सय ८५ जना प्रथम, ७ सय ८४ जना द्धित्तिय र ४४ जना तृतिय श्रेणीमा उत्तिर्ण भएका छन् ।

 ५ हजार १ सय ५५ जना विद्यार्थी सहभागि बाग्लुङबाट १ सय ४ जना विशिष्ट श्रेणीमा उत्तिर्ण भएका छन् भने १ हजार ६१ जना प्रथम १ हजार ९ सय २१ जना द्धित्तिय र १ सय ७९ जना तृतिय श्रेणीमा उत्तिर्ण भएका अधिकृत योगेन्द्र पराजुलीले बताउनुभयो । त्यस्तै पर्वतमा ५३ दशमलव ८ प्रतिशत विद्यार्थी उत्तिर्ण भएका छन् । ३ हजार ३ सय ६० विद्यार्थीमध्ये ७० जना विशिष्ट, ३ सय ७६ जना प्रथम, १ हजार १ सय ६६ जना द्धित्तिय र १ सय ४२ जना तृतिय श्रेणीमा उत्तिर्ण भएका छन् । गुल्मीबाट यस वर्ष ७० जना विशिष्ट, ६ सय ४१ जना प्रथम, १ हजार ८५ जना द्धित्तिय र २८ जना तृतिय श्रेणीमा गरि ३५ दशमलव २१ प्रतिशत अर्थात १ हजार ८ सय २४ जना विद्यार्थी उत्तिर्ण भएका छन् । 

अर्घाखाँचीबाट २७ जना विशिष्ट, ३ सय ३० प्रथम श्रेणीमा उत्तिर्ण भएका छन् । ६ सय ३५ जना द्धित्तिय श्रेणीमा र ४३ जना तृतिय श्रेणीमा गरि २६ दशमलव ९१ प्रतिशत विद्यार्थी उत्तिर्ण भएका छन् । अघिल्लो वर्ष अर्घाखाँचीबाट २९ दशमलव ३ प्रतिशत विद्यार्थी उत्तिर्ण भएका थिए । त्यस्तै कपिलवस्तुबाट ५५ जना विशिष्ट, ७ सय ७१ जना प्रथम र १ हजार ५ सय ९६ जना द्धित्तिय श्रेणीमा उत्तिर्ण भएका छन् । तृतिय श्रेणीमा १ सय ७८ गरि कुल ४९ प्रतिशत विद्यार्थी उत्तिर्ण भएको क्षेत्रीय शिक्षा निर्देशनालयले जनाएको छ । 

त्यसैगरी रुपन्देहीबाट ९ सय ७२ जना विशिष्ट श्रेणी र ३ हजार ६ सय ५५ जना प्रथम श्रेणीमा उत्तिर्ण भएका छन् । २ हजार ९ सय २९ जना द्धित्तिय श्रेणी र २ सय ३७ जना तृतिय श्रेणी गरि ७८ दशमलव ४३ प्रतिशत विद्यार्थी पास भएका छन् । नवलपरासीबाट ४ सय ६० जना विशिष्ट श्रेणीमा उत्तिर्ण भएका छन् भने २ हजार १ सय ५५ जना द्धित्तिय श्रेणीमा उत्तिर्ण भएका छन् । त्यस्तै २ हजार ६ सय ७१ जना द्धित्तिय र २ सय ६१ जना तृतिय श्रेणी गरि ४७ दशमलव ८ प्रतिशत उत्तिर्ण भएका कार्यालयले जनाएको छ । 

विद्यार्थी तथा अविभावकले भने प्रत्युक वर्षको नतिजा निरासाजनक हुँदै गएकोमा आपत्ति जनाएका छन् । परिक्षा प्रणाली नैं चित्तबुझ्दो नभएको भन्दै उनीहरुले मन्त्रालयले कमजोरी पत्ता लगाएर सच्याउनुपर्नेमा जोड दिएका छन् । 

कास्कीबाट एसएलसीमा सहभागि दृष्टिविहिन विद्यार्थीहरु भने शत प्रतिशत उत्तिर्ण भएका छन् । अमरसिँह नमुना उच्च माध्यामिक विद्यालयबाट परिक्षा दिएका सात जना दृष्टिविहिन विद्यार्थीमध्ये पाँच जना प्रथम श्रेणीमा र २ जना द्धित्तिय श्रेणीमा उत्तिर्ण भएका छन् । त्यस्तै लेखनाथ नगरपालिकामा रहेको श्रृजना बहिरा उच्च माध्यामिक विद्यालयबाट सहभागि २० जना सुस्त श्रवण विद्यार्थीमध्ये १८ जना उत्तिर्ण भएका छन् । चार जना प्रथम श्रेणी र चौध जना द्धित्तिय श्रेणीमा उत्तिर्ण भएका विद्यालयका शिक्षक गणेश प्रसाद अधिकारीले जानकारी दिनुभयो ।